Julemarknad i Kulturløo på Drange (Tysnes)

Om

Om

Kulturløo på Drange har arrangert julemarknad i Kulturløo sidan 2014 og me gjer det også i 2024.

I årets julemarknad vert det mange utstillarar. I tillegg til våre trufaste utstillarar; Gunnvor Davidsen (Sigridstova), Anne Sofie Epland, Britt Kjellesvik Rage (Breidablikk Anno), Knut Rage, Bigarden og Myrdal Gard, kjem det i år nye utstillarar; Nicole Andrea Robles med diverse julebakst og Pedersen Gard med brød og bollar.

Sjølvsagt stiller også familien med produkt, Ulrikke Bergesen, Elise M. Rondestveit, Hannah Amanda Hansen og Kari Adele Grønås har laga mange flotte julegaver.

Anne Elisabeth Skogen har gitt ut ei barnebok for både barn og vaksne i samband med at det i 2025 er 200 år sidan utvandringa til Amerika. Anne Elisabeth vil fortelja litt om historier i boka.

Fjøsnissen skal sjølvsagt få julegraut og då kan det hende at barna får ei gåve som takk om dei finn han.
Sauene skal også få mat.

I Ondahuset kafé er det sal av gløgg, kaffi, julebrød, peparkaker og lussekattar.

Barna kan også teikna og skriva ønskebrev til julenissen.